NO WOMEN NO CRY

In this great future, you can't forget your past, So dry your tears

Thursday, September 28, 2006

راماناتا والجمارك




لطيفة وياسمين اللى اهى اختى طلبنا افلام من امازون وشحناهم عن طريق ارامكس الشحنة اوصلت الكويت فى 11 / 9 ولى يوم 17 / 9 ارامكس ما وصلوهم اتصلت يوم 18 / 9 عليهم استفسر وخبرونى ان الشحنة محجوزه بالجمارك واذا ابى استلمها بسرعة استلم اوراق الشحنة من ارامكس واخلص المعاملة فى الجمارك وهذا اللى حصل طرشت راماناتا اللى اهو سايقنا استلم الاوراق من ارامكس فى 19 / 9 وراح الجمارك من الساعة 11 الصبح رجع البيت الساعة 3 العصر وما خلص والى اليوم لم استلم الشحنة بشرح لكم معاناه راماناتا مع اداره الجمارك ويا كويت عزك عزنا

المحطة الاولى بمشوار راماناتا

مكتب الكويتية للشحن فى مطار الكويت عطاهم اوراق الشحنة من ارامكس وهم عطوه ورقة فيها رقم الشحنة ودفع عليها 6 دنانير لكل كرتون بعدين راح مكتب ثانى ما ادرى حق شنو بس عطاهم الاوراق دفعوه دينارين وعطوه وصل وقالولة يروح البنك التجارى يدفع رسم الجمارك رسم الجمارك 1.750 لكرتونى و دينار لكرتونة ياسمين عمولة البنك دينارين لكل وصل وبعدين رجع للجمارك موظف الجمارك صاحب الضمير الحى قال ماراح اقدر اسلمك الشحنة لازم تحول الى وزاره الاعلام اداره المصنفات وعطوه وصل اتصل راماناتا على ياسمين يخبرها باللى حصل فياسمين طلبت من راماناتا انها تكلم الموظف ودار الحوار التالى:

ياسمين: الو السلام عليكم اللة يعافيك ميخالف تسلم الكرتون للسابق
موظف الجمارك صاحب الضمير الحى: لا اختى مايصير لازم تروح الاعلام اداره المصنفات اول
ياسمين: بس انا اللى طالبتا مايحتاج رقابة افتح الكرتون وشوف بنفسك
موظف الجمارك صاحب الضمير الحى: لا اختى هذا مو اختصاصى وزاره الاعلام اهى اللى تفتح الكرتون وتشوف فتعالوا السبت استلموه
ياسمين: اللة يعافيك يوم السبت رمضان وعساك من عواده واللة يهديك انشاء اللة سلم السايق الكرتون لان صارلة 3 ساعات عشان اخلص اوراق المعاملة
موظف الجمارك صاحب الضمير الحى: اذا مشيت كرتونتج راح امشى كراتين غيرك وانتى ما ترضين انى اتجاوز القانون
ياسمين: يعطيك العافية ومشكور وسامحنا على الازعاج

المحطة الثانية بمشوار راماناتا

السبت 23 / 9

راح راماناتا وراجع الاداره وقالولة ما وصل من اداره المصنفات تعال يوم الاثنين

راماناتا ما راح الاثنين راح الاربعاء

راجع الاداره العامة للجمارك قالولة مافية طرود لهذه الاسماء اتصل راماناتا على ياسمين وقال لها ياسمين شاشت وقالت حق راماناتا مرنى الدوام بروح لهم وراحت

ياسمين راحت الجمارك و حاست فى 3 مبانى وكل مبنى يقول لها مو عندنا اخير راحت مبنى رابع وقالوا لها انة لى الحين عند مصنفات الشويخ كلميهم وسأليهم اذا طلع من عندهم ولا لاء اتصلت على اداره المصنفات وردت عليها الموظفة وقالت لها كرتون ياسمين طلع بس كرتون لطيفة المدير لى الحين ماداوم وما وقع على الاوراق وكانت الساعة 11 الصبح كرتون ياسمين راح يروح اول صبحان وبعدين المطار ويمكن ياخذ لة ساعة الى ساعتين على مايوصل الجمارك

وانتهت القصة مع جمارك الكويت وراماناتا ضعف كيلوين وطاح لة ضرس من ضروسة

الناس تتطور والعالم كلة يحاول مواكبة التكنولوجيا وعصر السرعة الا احنا بالكويت كل مال وتخلفنا يزيد وهذى الكويت صل على النبى اهيا ديرتنا وفيها اللى نبى





Wednesday, September 27, 2006

Chai-7aleeb



WHERE ARE YOU CHAI-7ALEEB ????
خبرنا فيك من زمان و البلوغ مالك ما يفتح ويانا
؟؟؟
عسى المانع خير ؟

Friday, September 22, 2006

رمضان كريم


كل عام و انتم بخير و مبارك عليكم الشهر و تعودونه انشاءالله بالصحه و العافيه
**************
اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نَوْمَةِ الغافِلينَ ، وَهَبْ لي جُرمي فيهِ يا اِلهَ العالمينَ ، وَاعْفُ عَنّي يا عافِياً عَنِ المُجرِمينَ .






Saturday, September 16, 2006

رحلة ورده الى وزاره المواصلات




المقرود واللى امة داعية علية يروح وزاره المواصلات مقسم كيفان قسم البريد الممتاز المكان السرداب
( يالنذل )

كنت طالبة اغراض من الانترنت
arsenal.com
ما يوصلون الا بالبريد العادى من قراده حظى سألت عن الاغراض من الموظف اللى قاعد ياخذ معاشة من الوزاره حق يتريق ويتكلم بالتليفون فدار الحوار التالى

ورده: اخوى انا ياية استلم طرد
موظف الكاونتر : حذف ملفين وقال دورى رقم الطرد بالملفات
ورده : وباللة ليش انت ما تدور هذا مو شغلك باستغراب
موظف الكاونتر: ما تشوفينى انا مشغول كان يشرب شاى ويتكلم بالتليفون
ورده: شنو مشغول فية قاعد تشرب شاى وتتكلم بالتليفون

موظف الكاونتر رمقنى بنظره معناته اذا ما دورتى محد بيدور لك فقمت ودورت بالملف ولقيت رقم الطرد

ورده : اخوى لقيت رقم الطرد
موظف الكاونتر: شنو التاريخ اللى على الورقة
ورده : 15 / 8 / 2006
موظف الكاونتر: ردينا الطرد مو موجود
ورده : ما شفت الورقة وقلت رديناه وبعدين قبل لا تردونة ليش محد اتصل بالبيت وقلتوا ان الطرد واصل او طرشتوا وصل بالبيت عشان انعرف
موظف الكاونتر: اختى رجاء لا تعليين صوتك واذا عندك كلام تبين اتوجهينا وجهيه حق البنات اللى داخل قاعدين بالغرفة هذا شغلهم مو شغلى واذا اهم ما عندهم لا ذمة ولا ضمير وما اتصلوا عليك هذا مو شغلى ويرجع حق ضمير الموظفة
ورده : ماشاء اللة والوزاره وموظفينها ماشية على الذمه والضمير عشان جذية شغلكم واقف لان ولا واحد فيكم عنده ذمة وضمير

رمقنى بنظره فتاكة

ورده : وين الوصل اللى تبعثونة مع المندوب ليش ما وصلنى البيت واذا رديتوه وين الاوراق اللى تثبت انكم رديتوه
موظف الكاونتر: ما عندنا اوراق
ورده : ليش ما عندكم بالكمبوتر يثبت انكم رديتوا الطرد الى المصدر اشلون راح اقدر اخاطب الشركة واثبت لهم ان الاغراض ارجعت لهم
موظف الكاونتر: ما عندنا كمبيوتر
ورده: لا الاه الا اللة وزاره المواصلات ومافيها كمبيوتر
موظف الكاونتر: لا ما عندنا
ورده : انا الحين شقول حق الشركة ...... ما راح اطلع الا لما تعطونى الطرد ولا اثبات انكم رجعتوه
موظف الكاونتر: خلاص انتى الحين ارتاحاى لين الهندى يدورك الطرد بالمخزن
ورده: ما راح ارتاح ووين ارتاح من زين كراسيكم هالمغبره الوصخة انا بوقف هنية لين تطلعون طردى

موظف الكاونتر حقرنى والحقران يقطع المصران وطول ما انا واقفة وموظف الكاونتر يقول لى لا تعبين نفسك وروحاى بيتكم الطرد مو موجود وانا مطنشتة واخيرا ياه الهندى ومعاه الطرد وموظف الكاونتر اخذ الطرد من الهندى وحذفة على

ورده: ليش تحذفة ليش ما سلمتة لى باليد واللة انك قليل ادب والشرهه مو عليك الشرهه على اللى انا عادتك آدمى واكلمك مثل الاوادم خذيت الطرد ومشيت
ملاحظة: انا واللة حبوبة لكن موظف الكاونتر يرفع الضغط اتقى شر الحليم اذا غضب وخلانى اغضب من تصرفاتة



Thursday, September 14, 2006

توصل بالسلامه انشاءالله

بتنور الكويت يوم السبت

حمدالله علي سلامة بو قتيبه

و قرت عين كل الكويتين مقدما


Sunday, September 10, 2006

RAZZAGIYAT....




رزاقيات يتشرفون بدعوتكم لمشاهدة المجموعة الجديدة من التصاميم الخاصة لرمضان في بيت لوذان قاعه سدره يومي الاثنين 11-9 و الثلاثاء 12-9 من الساعة 9.30 - 1 صباحا و من الساعة 5 - 10 مساءا


7adddiiiiiiiii a7ib shoghelhommmmmmmmmm :) bacher ra7 akoooon awal wa7daaa wagfaaa 3ind bab il ma3radh waiting for the opening ... :) 3ashawwwww Razzaqiyaaaaaattttt :)

Thursday, September 07, 2006

Louis Vuitton

Enjoy :)




















Tuesday, September 05, 2006

Choowy Goowy ...Yummy Yummyyyyyy



Choowy Goowy cookies are so yummmyyy and delicious ...shay moo 6abee3iii :) once you eat one you can't stop yourself ..it's like an addiction ....and guess what ??? you can order your Choowy Goowy cookies online they have many flavors I recommend you try the original cookies :) ... anyway log on to www.choowygoowy.com ... check the cookies out :P


السمن ما يعييييل يا جماعه
 
Free Web Site Counter
Get a Free Web Site Counter