راحت علينا

أسبوع إلي طاف كنت تعبانه بس عشان زميلي بالدوام كان باجازه رايح الفورميلا ون فما قدرت أغيب عن الدوام

زاد علي عوار راسي ليه درجه إني ماني قادرة افتح عيني

ستأذنة من المديرة و قلت لها بروح المستوصف

( مستوصف المنطقة إلي اشتغل فيها)

دشيت المستوصف و ما بقى احد من أهل المنطقة ما شفته هناك و كلهم يهلون و يرحبون و يسألون عسى ما شر

المهم وقفت عند دريشة الكاتبة مالت المستوصف قلت لها أبي أشوف الدكتورة

عطيتها البطاقة المدنية جان تقولي

ما يصير تدشين على الدكتورة روحي راجعي مستوصف منطقتكم

وليييييييييييييييه ليش ؟؟؟

قلت لها

ما اقدر أنا اشتغل بالبنك اهني و ما اقدر أهد الدوام عندنا زحمه و مديرتي ما راح ترضى
و أنا وايد تعبانه

جان تقولي متاسفه ما اقدر ادخلج

:(

المهم رديت الفرع (الدوام) و أنا محتره من الكاتبة مالت المستوصف

قاعدة أقول حق مديرتي عن إلي صار بالمستوصف

ولا بدخلت فراش الفرع مكتب المديرة

شافني جان يقولي


الفراش:

what did doctor say

ورده:

nothing, they didn't let me in she said I have to go to the clinic in the area I live in

الفراش:

wala this one girl working there *Pagal , I show you come with me

ورده:

No, sheno go with you …

الفراش:

I know modeeer mal mustaw9ef, come with me yalah we go now

من كثر ما كان راسي يعورني طاوعته و رحت وياه المستوصف و هو جدامي و أنا لاحقته

ما بقي ممرضه ما سلم عليها لا يبقى فراش ما كلمه

أخر شيء ولا طق الباب علي مدير المستوصف و دخل و أنا وراه

ولا مدير المستوصف يهلي و يرحب فيه و أنا طاقتني البوهه و واقفة ورا عمي الفراش

الفراش:

hello sir, how are you ?

مدير المستوصف : زين أنت شلونك و اشلون بنك

الفراش :
this is Warda , staff in bank she is sick and want to see doctor and this lady inside she say for her NO go to mustawsef near your house, she cannot leave bank today Sunday and many customers come and now early only 8.30am so let her see doctor now she will not go to clinic near her house

مدير المستوصف: ايه ماكو مشكله

قام المدير من مكتبه و قال حق الفراش عطني بطاقتها المدنية
(لاحظوا انه مدير المستوصف للحين ما التفت علي ولا وجهلي الكلام كله كان يوجها حق الفراش)

و الفراش بطريقه الأمر يقولي

ورده وين يور بتاكه مدنيه

عطيته إياه و أنا للحين مذهولة من إلي قاعد يصير

طلعنا ويه المدير لين وصلنا عند الدريشه إلي واقفة وراها الكاتبة

جان يقولها المدير عطيها رقم خلها تدش على الدكتورة

و عطتني رقم من غير حجوه

!!!!!!!!!!!!!!!!!!!!!!!!!

و أنا للحين طاقتني البوهه

دخلت علي الطبيبة و خلصت و أنا للحييييييييييييييييييييييين طاقتني البوهه و منصدمه و منبهره بعد

!!!!!!!

الحين أنا ورده بنت الكويت بنت هالديره الفراش الهندي اهو إلي يتوسط لي بالمستوصف

!!!!!!!!


لا و أزيدكم من الشعر بيت لما خلصنا من الدكتورة قلت حق الفراش بروح اشكر المدير مال المستوصف

دخلنا عليه تشكرت منه جان يقولي لا افا عليج ما سوينا شيء و راج يستاهل

(راج هو فراش الفرع)

عاد أنا بقلبي مالت عليك و على الباميه فوققققك

!!!!!


وحنا رادين نمشي ليه الفرع يقولي الفراش

الفراش:
Warda if you want anything from jamiya or bareeeeed or anything tell me , I have wasta everywhere


!!!!!!!!!!!!!!!!!!!!!!!!!!!!!!!!!!!!!!!!!!!!!!!!


الله ياالدنيا ألحين أنا الكويتية يتوسط لي هندي عشان أدش عند دكتورة المستوصف

أنا ما أتكبر على الهنود بس

أنا الكويتية يتوسط لي هندي بديرتي

!!!!!!!!!!!!!!!!!!!!!!!!!

هزلت

!!!!!


هذي الكويت صل على النبي